ဘလော့ဂ်စာပေများ ခိုးကူးမှုပြဿနာ

  

နေလင်းအောင်

ဒီနေ့ အွန်လိုင်းဘလော့ဂ်လောကမှာ ကိုယ်တိုင် စာရေးသားနေသူများ စိတ်အနှောင့်အယှက် ဖြစ်နေရတဲ့ ပြဿနာတစ်ခုမှာ “ဘလော့ဂ်စာပေများ ခိုးကူးမှုပြဿနာ” ဖြစ်ပါတယ်။ ဒီနေရာမှာ ခိုးကူးတယ်ဆိုတာ မူရင်းစာရေးသားသူရဲ့ စာမူနဲ့ နာမည်ကို ကူးယူရေးသား၊ မျှဝေခြင်းကို မဆိုလိုပါ။ မူရင်းရေးသားသူရဲ့ စာမူကို ၏၊ သည် မရွေးကူးချပြီး စာမူအောက်ပိုင်းတွင် ကိုယ်တိုင်ရေးဆိုသလို ရေးသားထားခြင်းပါ။ ဒါဟာ အွန်လိုင်းစာပေလောကမှာ သိက္ခာအမဲ့ဆုံး လုပ်ရပ်တစ်ခုပါ။ အွန်လိုင်းမှာက website ပေါင်း သန်းချီရှိနေတဲ့အတွက် သာမန်အားဖြင့် စာမူခိုးယူမှု ပြဿနာဟာ ချက်ချင်းလက်ငင်း သိချင်မှသိမှာပါ။ တစ်ချိန်ချိန် အဖြစ်မှန်ပေါ်လာတဲ့အခါ တကယ်ရေးသားခဲ့သူကို စာဖတ်သူများက အထင်လွဲစေနိုင်သလို ကူးယူရေးသားသူလည်း အဖက်ဆယ်လို့မရတော့အောင် သိက္ခာကျသွားနိုင်ပါတယ်။

ကိုယ်တိုင် အောင်မြင်ကျော်ကြားတဲ့ ဘလော့ဂါဖြစ်ချင်တဲ့ ညီငယ်၊ညီမငယ်တွေကို အကြံပေးချင်ပါတယ်။ စာမူတစ်ပုဒ် ရေးသားတဲ့အခါ ဘယ်တော့မှ သူများရေးပြီးသားစာမူကို ကူးမချပါနဲ့။ နှစ်သက်မိလို့ ပြန်မျှဝေပေးချင်လျှင် မူရင်းစာရေးသူနာမည်နဲ့ ပြန်မျှဝေသင့်ပါတယ်။ ဒါမှမဟုတ်လည်း ကိုယ်တိုင်ရေးသားချင်တယ်ဆိုရင်တော့ ကိုယ်နားလည်သလို ရေးနိုင်ပါတယ်။ ဒါမှမဟုတ် စာရေးဆရာ ဘယ်သူရေးတဲ့စာမူမှာ ဒီလိုဆိုထားပါတယ်ဆိုပြီး မျက်တောင်အဖွင့်အပိတ်နဲ့ မူရင်းအတိုင်း ရေးသားဖော်ပြနိုင်ပါတယ်။ အွန်လိုင်းမှာ စာမူခိုးယူမှု ပြဿနာကြောင့် မူရင်းစာရေးသူနာမည်တွေ မသိရတော့တာမျိုး အထူးသဖြင့် အင်္ဂလိပ်ဘာသာနဲ့ရေးတဲ့ website  များတွင် Author Unknown  ဆိုတဲ့ စာမူများက သက်သေပြနေပါတယ်။

မိမိကိုယ်တိုင် ပင်ကိုယ်ရေးသားတဲ့ စာမူများ၊ ကဗျာ၊ ဝတ္ထု၊ ဆောင်းပါး စသည်ဖြင့် ရေးသားနိုင်တယ်ဆိုရင်တော့ အကောင်းဆုံးပါ။ ဘာသာပြန်စာပေများ ရေးသားလိုလျှင်လည်း မူရင်းစာမူခေါင်းစဉ်နဲ့ ရေးသားသူကို ရည်ညွှန်းပေးသင့်ပါတယ်။ စာမူတစ်ပုဒ်ကို ဘာသာပြန်ဆိုရာမှာ မိမိထက်အရင် ပြန်ဆိုပြီးသား ရှိချင်ရှိနိုင်ပါတယ်။ စာမူတစ်ပုဒ်ကို ကိုယ်တစ်ယောက်တည်းပဲ ဘာသာပြန်ဆိုရမယ်လို့တော့ ကန့်သတ်ထားခြင်းမရှိပါ။ မည်သူမဆို ဘာသာပြန်ဆိုနိုင်ပါတယ်။ မိမိကိုယ်တိုင် ပြန်ဆိုရေးသားတာ စစ်မှန်လျှင် ရေးသားဖော်ပြပြီးသား စာမူရှိနေပါစေ စိတ်ပူနေစရာ မလိုအပ်ပါ။ အကြောင်းအရာ တူညီလျှင်ပင် ဘာသာပြန်အရေးအသား မတူညီနိုင်ပါ။ မူရင်းအင်္ဂလိပ်စာခေါင်းစဉ် တူညီနေလျှင်လည်း စာကိုယ်ထဲမှာ ရေးသားထားတဲ့ အကြောင်းအရာ အနည်းအများ ကွဲလွဲနေနိုင်ပါသေးတယ်။ အဓိကလိုအပ်ချက်ကတော့ ကိုယ်တိုင်ဘာသာပြန်ဆိုတာ ဖြစ်နေဖို့ပါပဲ။ ဒီလိုမဟုတ်ဘဲ အခြားသူများ ပြန်ဆိုထားတဲ့ စာမူကို ကူးယူဖော်ပြခဲ့မယ်ဆိုရင်တော့ သိက္ခာကျဆင်းစေနိုင်ရုံသာမက ဘလော့ဂ်လောကမှလည်း အပြီးအပိုင် လွှင့်စင်သွားပါလိမ့်မယ်။

ကျွန်တော့်ကိုယ်တိုင် ကြုံခဲ့ဖူးတာလေး ပြောပြချင်ပါတယ်။ ကျွန်တော် စာမူတစ်ပုဒ်ပြီးတိုင်း စာမူအောက်ခြေတွင်--

နေလင်းအောင် ဘာသာပြန်ဆိုသည်။

Ref;How the poor life by Unknown

Labels: ဘာသာပြန်ရသ

ကျွန်တော့်ကိုယ်တိုင်ရေး www.nla2012.blogspot.comမှ ကူးယူဖော်ပြပါသည်။

ဆိုပြီး ရေးသားပေးပါတယ်။

          “နေလင်းအောင် ဘာသာပြန်ဆိုသည်” ဆိုသည်မှာ ကိုယ်တိုင် အင်္ဂလိပ်စာမှ မြန်မာဘာသာ ပြန်ဆိုခြင်းဖြစ်ကြောင်း ပြောလိုတာပါ။ “Ref ကတော့ မူရင်းအင်္ဂလိပ်စာဖတ်ချင်တဲ့ စာဖတ်သူများ Search Engine ဖြင့်ရှာရာတွင် လွယ်ကူစေဖို့ပါ။ By Unknown ဆိုတာကတော့ မူရင်းစာရေးသူ မသိရတော့တာမျိုးကို ဖော်ပြနေပါတယ်။ “Labels;မှာ ဘာသာပြန်ရသဆိုတာ မိမိကိုယ်တိုင် ပင်ကိုယ်ရေးမဟုတ်ဘဲ ကိုယ်တိုင် ဘာသာပြန်ဆိုထားကြောင်းကို ပြောချင်တာပါ။ “ကျွန်တော့်ကိုယ်တိုင်ရေး www.nla2012.blogspot.comမှ ကူးယူဖော်ပြသည်။” ဆိုတဲ့ စာကြောင်းမှာတော့ ကျွန်တော့်ရဲ့ စကားအသုံးအနှုန်း မထိရောက်မူကြောင့် နားလည်မူ လွဲသွားနိုင်ပါတယ်။ ကျွန်တော်ဆိုလိုသည့် အဓိပ္ပါယ်မှာ “ကိုယ်တစ်ယောက်တည်းသာရေးတဲ့ ကိုယ်ပိုင်ဘလော့ဂ်လိပ်စာ”ကို ရည်ညွှန်းတာပါ။ ဒါနဲ့ပတ်သက်ပြီး  ဘလော့ဂါတစ်ယောက်က ပြောလာပါတယ်။

“နေလင်းအောင်....သို့ 

ကိုယ်တိုင်ရေးလို့ ရေးထားတယ်...ဘယ်အချိန်ကရေးတာလည်း.....တကယ်ဘဲကိုယ်တိုင်ရေးလား.. တကယ်ဘဲကိုယ်တိုင်ဘာသာပြန်ခဲ့ တာလား...တော့သိချင်သားနော်... ဒီဧဒင်ဥယျာဉ်မှာ..၂၀၁၀ ခုနှစ်ကဖတ်မိတာလေးပြန်တင်ပေးရမလား....ရေးထားတာက...၂၀၀၈ -၂၀၀၉ ကပါ။”

 ဒါဟာ ပြောသင့်ပြောထိုက်တဲ့ စကားပါ။ ဒီလို ပြောလာတဲ့အတွက်လည်း စာရေးသူအချို့ကို (အားလုံးမဆိုလိုပါ)မရိုးမသားနဲ့ သူများစာမူခိုးပြီး ကိုယ့်စာမူမလုပ်ဖို့သတိပေးနေပါတယ်။ ဒီလို မေးလာတဲ့အတွက် ကျွန်တော် ဖြေရှင်းချက် ပေးခဲ့ရပါတယ်။ အကြောင်းအရာ တူနေရင်တောင် ဘာသာပြန်ဆိုပုံနဲ့ စာအရေးအသား မတူညီနိုင်ပါလို့ပေါ့။ ဒီထက်လည်းပိုပြီး ပြောခဲ့မိပါတယ်။ ကိုယ်တိုင် အင်္ဂလိပ်စာနဲ့ မဟာဘွဲ့ရထား သူတစ်ယောက်ပေါ့။ ဒါကို ကျွန်တော်ပြောချင်တဲ့အဓိပ္ပါယ်ကတစ်ခု သူနားလည်တဲ့ အဓိပ္ပါယ်ကတစ်ခု ဖြစ်နေပါသေးတယ်။ “ကိုယ်တိုင်ရေးဘာသာပြန်လို့ ရေးထားတာတွေ့ တဲ့ . ..ဆင်းရဲခြင်းဆိုတာပိုစ့် ကိုအတော်အံ့သြမိပါတယ်..။ ဘာသာပြန်ဆိုတော့လူတိုင်းလည်းပြန်နိုင်ပါလိမ့်မယ်....”တဲ့။ ကျွန်တော် ပြောချင်တာက မဟာဘွဲ့ရထားတဲ့ လူတစ်ဦးအနေနဲ့ ဘာသာပြန် စာမူတစ်ပုဒ်ကို ကိုယ့်ဘွဲ့ကိုယ့်ဂုဏ်သိက္ခာကို  မထောက်ထားဘဲ သူများစာမူ ခိုးကူးလောက်အောင် အောက်တန်းမကျဘူးလို့ပြောချင်တာပါ။ တကယ်လည်း သူ့စာမူ သူပို့ပေး၍ ကျွန်တော်ဖတ်ခဲ့ရတော့ မူရင်းအကြောင်းအရာ ဆင်တူပေမဲ့ စာအရေးအသား၊ ဝါကျတည်ဆောက်ပုံ၊ ပေးစွမ်းချင်တဲ့ အတွေးခံစားချက်တွေ လုံးဝမတူပါ။ စာဖတ်သူများ ယှဉ်ကြည့်နိုင်ဖို့ ဒီဆောင်းပါးအောက်ဆုံးမှာ စာမူနှစ်ပုဒ် ယှဉ်တွဲဖော်ပြ ပေးထားပါတယ်။

ကျွန်တော် ဘလော့ဂ်လောကရောက်တာ မကြာသေးတဲ့အတွက် စာမူအများအပြား မဖတ်နိုင်သေးပါ။ အင်တာနက်သုံးဖို့ အချိန်အကန့်အသတ် ရှိနေတာရော တစ်ချက်အပါအဝင်ပေါ့။ ဒါကြောင့် ကျွန်တော်ရေးတင်မဲ့စာမူ ပြန်ဆိုပြီးသားရှိနေရင်လည်း သိချင်မှသိမှာပါ။ ကိုယ်တိုင် ဘာသာပြန်ဆိုတဲ့အတွက် ရေးတင်ပြီးသား ရှိနေလျှင်လည်း ဘာမှ စိတ်ပူနေစရာ မလိုအပ်ဘူးထင်ပါတယ်။   

ကျွန်တော် ဘလော့ဂ်လောက မဝင်ရောက်မီက စာရေးဆရာမ နိုင်းနိုင်းစနေရဲ့ အင်တာဗျူးတစ်ခု ဖတ်ခဲ့ဖူးပါတယ်။ အွန်လိုင်းဘလော့ဂ်လောကမှာ အဓိကကြုံတွေ့နေရတဲ့ စာမူခိုးယူမှု ပြဿနာအကြောင်းပါ။ အဲဒီစာမူ ဖတ်ပြီးကတည်းက ကိုယ်တိုင် ဘလော့ဂ်လောက ရောက်တဲ့အခါ ဘယ်တော့မှ သူများရေးပြီးသားစာမူကို ကိုယ်တိုင်ရေးဆိုပြီး မလုပ်ဖို့ ဆုံးဖြတ်ထားခဲ့ပါတယ်။ နာမည်ရပြီးသား ဆရာဝန်စာရေးဆရာ သက်တန့်ချိုနဲ့ ကျွန်တော် မကြာသေးမီက The 4 Wives ဆိုတဲ့ စာမူတစ်ပုဒ်ကို ရှေ့ဆင့်နောက်ဆင့် ဖော်ပြခဲ့ဘူးပါတယ်။ ဆရာအရင်ပြန်ဆိုတာလား၊ ကျွန်တော်အရင် ပြန်ဆိုတာလားတော့ သတိမထားမိပါ။ စာမူကို ဘာသာပြန်ဆိုရာမှာလည်း မိမိနားလည်သလို ရေးသားခဲ့တဲ့အတွက် ဆရာနဲ့ကျွန်တော် စာအရေးအသား မတူညီခဲ့ပါ။ ဆရာစာမူ Facebook မှာ ပါလာတော့မှ ကျွန်တော့်ရဲ့ ဘာသာပြန် အားနည်းချက်အချို့ကို တွေ့မြင်ခဲ့မိပါတယ်။ ဒီအတွက် ဆရာ့ကို ကျေးဇူးတင်မိသလို ကျွန်တော် ကိုယ့်လိပ်ပြာကိုယ်လုံကြောင်းလည်း စာဖတ်သူတွေကို သိစေချင်မိပါတယ်။

ယခုလည်း ဂျာနယ်မဂ္ဂဇင်းအချို့မှာ အခြားကလောင်နာမည်များဖြင့် စာမူများ ရေးသားနေသလို ရှေ့ဆက်ပြီးလည်း ရေးသားနေဦးမှာပါ။ အွန်လိုင်းဘလော့ဂ် လောကမှာလည်း နေလင်းအောင် ကလောင်နာမည်ဖြင့် ကျွန်တော့်စာမူတွေ ဆက်လက်ဖော်ပြ ပေးသွားမှာပါ။ စာမူနဲ့ပတ်သက်ရင် မည်သူမဆို ပြောဆိုဝေဖန်နိုင်ပါတယ်။ စာဖတ်သူ သူငယ်ချင်းမိတ်ဆွေများရဲ့ ဝေဖန်အကြံဥာဏ်ကို နာခံလိုက်နာရင်း နောင်ဒီထက်ပိုကောင်းအောင် ကြိုးစားသွားပါမယ်။ တစ်ခု အသိပေးလိုတာကတော့ ကျွန်တော် ဘယ်တော့မှ သူများရေးပြီးသားစာမူကို ခိုးယူဖော်ပြ လိမ့်မည်မဟုတ်ပါကြောင်း…..။

ကျေးဇူးတင်လွှာ

ကျွန်တော့်ကို ဒီစာမူရေးဖို့ တွန်းအားဖြစ်စေခဲ့တဲ့ ဘလော့ဂါ ရွှေအိမ်စည်ကို ကျေးဇူးတင်မိပါကြောင်း ….သူနဲ့ ကျွန်တော့်စာမူကို နှိုင်းယှဉ်ကြည့်ပြီး ကျွန်တော် စာမူခိုးမခိုးကိုတော့ စာဖတ်သူများကသာ ဆုံးဖြတ်ပေးစေချင်ပါတယ်။ 

အောက်ဖော်ပြပါ စာမူကတော့ ကျွန်တော် ဘာသာပြန်ဆိုတဲ့ မူရင်းအင်္ဂလိပ်စာပါ။

How the poor live  

One day, a father of a very wealthy family took his son on a trip to the country with the firm purpose of showing his son how poor people live. They spent a couple of days and nights on the farm of what would be considered a very poor family. On their return from their trip, the father asked his son, “How was the trip?”
“It was great, Dad.”
“Did you see how poor people live?” the father asked.
“Oh yeah,” said the son.
“So, tell me, what did you learn from the trip?” asked the father.
The son answered, “I saw that we have one dog and they had four. We have a pool that reaches to the middle of our garden, and they have a creek that has no end. We have imported lanterns in our garden, and they have the stars at night. Our patio reaches to the front yard, and they have the whole horizon. We have a small piece of land to live on, and they have fields that go beyond our sight. We have servants who serve us, but they serve others. We buy our food, but they grow theirs. We have walls around our property to protect us; they have friends to protect them.”
The boy’s father was speechless.
Then his son added, “Thanks, Dad, for showing me how poor we are.”
 Author Unknown

အောက်ဖော်ပြပါ စာမူကတော့ ကျွန်တော် မြန်မာလို သင့်လျော်အောင် ပြန်ဆိုထားတဲ့စာမူပါ။

မျက်စိလျှံသွားတာကြောင့် အောက်ဆုံးစာကြောင်းမှာ ဘာသာပြန်အရေးအသား မှားသွားတာကိုတော့ စာဖတ်သူတွေကို သိစေချင်လို့ မပြုပြင်ဘဲ မူရင်းအတိုင်း တင်ပြလိုက်ပါတယ်။

ဆင်းရဲမှုဆိုတာ ပျော်စရာအကောင်းသား

နေလင်းအောင်

          တစ်နေ့မှာ ချမ်းသာတဲ့မိသားစုက ဖခင်တစ်ဦးဟာ သားဖြစ်သူနဲ့အတူ ကျေးလက်ဒေသကို ထွက်ခွါသွားတယ်။ ဆင်းရဲတဲ့မိသားစုတွေ ဘယ်လိုနေထိုင်ရတယ်ဆိုတာ သားဖြစ်သူကို သိစေချင်လို့ပါ။ သူတို့သားအဖဟာ အလွန်ဆင်းရဲပုံရှိတဲ့ မိသားစုရဲ့လယ်ထဲမှာ နှစ်ရက်တာ ကုန်လွန်ခဲ့ကြတယ်။ အပြန်ခရီးမှာတော့ ဖခင်က သားဖြစ်သူကို မေးလာပါတယ်။

        "သားရေ..ခရီးထွက်ရတာ ဘယ်လိုနေလဲ"

        "သိပ်ပြီး ပျော်စရာကောင်းပါတယ်..ဖေဖေ"

        "ဆင်းရဲသားတွေ ဘယ်လိုနေထိုင်ရတယ်ဆိုတာ သားမြင်တွေ့ခဲ့တယ်မို့လား"

        "မြင်ခဲ့တာပေါ့ဖေဖေ"

        "ဒါဆို..ဖေဖေကိုပြောပါဦး။ ဒီခရီးကနေ သားဘာတွေ သိရှိလာခဲ့တာလဲ"

        "သားတို့မှာ ခွေးတစ်ကောင်တည်းရှိပေမဲ့ သူတို့မှာတော့ ခွေးလေးကောင်ရှိနေတယ်။ သားတို့မှာ ဥယျာဉ်အလယ်ထိရောက်တဲ့ ရေကန်တစ်ကန်ရှိနေပေမဲ့ သူတို့မှာတော့ အဆုံးအဆမဲ့ စမ်းချောင်းလေးရှိနေတယ်။ သားတို့ဥယျာဉ်ထဲမှာ ညအခါ နိုင်ငံခြားကလာတဲ့ မီးသီးတွေနဲ့ လင်းနေပေမဲ့ သူတို့မှာတော့ ကြယ်တွေနဲ့လင်းနေပါတယ်။ သားတို့အိမ်ရှေ့ ပေါ်တီကိုက ရှေ့ဘက်ခြံဝန်းအထိသာ ရှိနေပေမဲ့ သူတို့မှာတော့ မိုးကုတ်စက်ဝိုင်းတစ်ခုလုံး ရှိနေပါတယ်။ သားတို့မှာ နေထိုင်စရာ မြေအနည်းငယ်သာရှိနေပေမဲ့ သူတို့မှာ မျက်စိတစ်ဆုံး လယ်ကွင်းပြင်တွေ ရှိနေပါတယ်။ သားတို့ကို ပြုစုလုပ်ကျွေးမဲ့ အစေခံတွေ ရှိနေပေမဲ့ သူတို့ကတော့ အခြားသူတွေကို ပြုစုလုပ်ကျွေးကြတယ်။ သားတို့က အစားအစာတွေ ဝယ်စားရပေမဲ့ သူတို့ကတော့ ကိုယ်တိုင်စိုက်ပျိုးစားကြတယ်။ သားတို့ရဲ့ ဥစ္စာဓနတွေကို ကာကွယ်ဖို့ အုတ်နံရံတွေရှိနေပေမဲ့ သူတို့မှာ အကာအကွယ်ပေးမဲ့ မိတ်ဆွေကောင်းတွေ ရှိနေပါတယ်"

        သားဖြစ်သူရဲ့စကားတွေကြောင့် ဖခင်မှာ ဘာမှမပြောနိုင် ဖြစ်နေရပါတယ်။

        သားဖြစ်သူက ဆက်လက်ပြီး ပြောဆိုပါသေးတယ်။

       "ဖေဖေ့ကို သား ကျေးဇူးတင်ပါတယ်။ ဆင်းရဲမှုဟာ ဘယ်လိုဟာမျိုးလဲဆိုတာ သားကို သိစေတဲ့အတွက်ကြောင့်ပါ"

စဉ်းစားဆင်ခြင်စရာ

         ချမ်းသာတယ်၊ ဆင်းရဲတယ်ဆိုတာ လူတွေရဲ့ သတ်မှတ်ချက်မျှသာ…။ချမ်းသာတဲ့မိသားစုက ဆင်းသက်လာတဲ့ ကလေးတစ်ယောက်ဟာ ဆင်းရဲမှုဆိုတာ ဘာမှန်းမသိသလို ဆင်းရဲတဲ့မိသားစုက ဆင်းသက်လာတဲ့ ကလေးတစ်ယောက်ကလည်း ချမ်းသာမှုဆိုတာ ဘယ်လိုဟာမျိုးလဲလို့ သိချင်မှသိမှာပါ။ ဒီပုံပြင်ထဲမှာဆိုရင် ချမ်းသာတဲ့မိသားစုက ကလေးငယ်ဟာ ဆင်းရဲမှုဆိုတာ ပျော်စရာအကောင်းသားလို့ ထင်နေမိပါတယ်။

        ကျွန်တော် ကာတွန်းတစ်ပုဒ် ဖတ်ဖူးပါတယ်။ ဆင်းရဲတဲ့လူကပြောတယ်-"ကျွန်တော်ကတော့ နဖူးကချွေး ခြေမကျမှ ထမင်းစားရတဲ့ ဘဝပါ"တဲ့။ ချမ်းသာတဲ့ လူကပြောပြန်တယ်-"ကျွန်တော်ကတော့ ကိုယ့်ခြေမတောင် မမြင်ရတဲ့ ဘဝပါဗျာ"တဲ့။ သူဟာ ဘီယာဗိုက်ကြောင့် ကိုယ့်ခြေမကို မမြင်ရတာ ညည်းညူနေတာပါ။ ကျွန်တော် ပြောချင်တာကတော့ ချမ်းသာသည်ဖြစ်စေ၊ ဆင်းရဲသည်ဖြစ်စေ လူတိုင်းဟာ မိမိဘဝကို ကြံဖန်ပြီး ညည်းနေတတ်တယ် ဆိုတာပါပဲ။ တစ်ကယ်တော့ ချမ်းသာမှုအားလုံးထဲမှာ စိတ်ချမ်းသာမှုကသာ အရေးအကြီးဆုံးပါ။

နေလင်းအောင် ဘာသာပြန်ဆိုသည်။

Ref;How the poor life by Unknown

Labels: ဘာသာပြန်ရသ

ကျွန်တော့်ကိုယ်တိုင်ရေး www.nla2012.blogspot.comမှ ကူးယူဖော်ပြပါသည်။

အောက်ဖော်ပြပါစာမူကတော့ စာရေးသူ ရွှေအိမ်စည်ရဲ့ စာမူပါ။

ဆင်းရဲ ခြင်းဆိုတာ
ရွှေအိမ်စည် (ShweAimSi) ရေးသားခဲ့သော ဘလော့ဖြစ်ပါသည် ။

ဆင်းရဲခြင်းဆိုတာ


တစ်ခါက သူဌေးကြီးတစ်ဦး ရှိလေသည်။ တစ်နေ့တွင် သူသည် သားကိုခေါ်ပြီး ရွာ
တစ်ရွာသို့ အလည်အပတ် သွားကြသည်။ အလည်အပတ် သွားရခြင်း၏ ရည်
ရွယ်ချက်မှာ “ဆင်းရဲခြင်း” ဆိုသည်ကို သားအား သိစေချင်သောကြောင့်၊ ဆင်း
ရဲသားများ၏ ဘ၀ကို ပြသချင်သောကြောင့်ဖြစ်သည်။ သူတို့သည် လယ်သမား
မိသားစု၏ နေအိမ်တွင် နှစ်ရက်ကြာ တည်းခိုခဲ့ကြသည်။
လယ်သမား၏ ကလေးများသည် အိမ်မွေး တိရစ္ဆာန်များအား ထိန်းကျောင်းရ
သည်။ လယ်ထဲတွင် ကူညီမည့် ခွေးများအား လေ့ကျင့်ပေးရသည်။ ညနေ အ
လုပ်နားချိန်တွင် အိမ်ဘေးရှိချောင်း၌ ရေချိုးကြသည်။ ငွေကြေး ချွေတာသော
အနေဖြင့် ညအခါ လရောက်အောက်တွင် အိမ်ရှေ့မျက်နှာစာရှိ ဥယျာဉ်၌ မိသား
စုများ ၀ိုင်းဖွဲ့ပြီး စကားစမြည် ပြောကြသည်။
ရွာမှ ပြန်လာပြီးနောက် သူဌေးက “သား... ဒီတခေါက်ခရီးထွက်တာ
ဘယ်လိုနေလဲ” ဟုမေးလေသည်။


“ကောင်းပါတယ် ဖေဖေ”
“ဆင်းရဲသားတွေ ဘယ်လောက်ဆင်းရဲတယ်ဆိုတာ မြင်ပြီမဟုတ်လား”
“မြင်ပါတယ်” ခေါင်းငြိမ့်ပြီး သားကပြန်ဖြေသည်။
“ဘာတွေမြင်ခဲ့လဲ ဖေဖေ့ကို ပြောပါဦး”
“သားတို့ အိမ်က သူတို့ထက် ပိုဆင်းရဲတယ် ဆိုတာကို သားမြင်လိုက်တယ်
ဖေဖေ... သားတို့မှာ အိမ်မွေးခွေး တစ်ကောင်ပဲရှိတယ်။ သူတို့မှာ ခွေး(၄)
ကောင်ရှိတယ်။ အဲဒီခွေးတွေဟာ ကလေးတွေရဲ့ အမိန့်ကိုတောင် နာခံကြတယ်။
စကားလဲ နားထောင်တယ်။
“နောက်ပြီး သားတို့ခြံမှာ ရေကူးကန် တစ်ကန်ပဲရှိတယ်။ သူတို့မှာ အဆုံးမရှိတဲ့
ချောင်းတစ်ချောင်းလုံးရှိတယ်။ သူငယ်ချင်းတွေနဲ့ တစ်နေ့ကုန် ရေကစားနေလို့ရ
တယ်။ ဒီရေကူးကန်မှာကျတော့ သားတစ်ယောက်ပဲရှိတယ်” သားက ဆက်ပြော
“နောက် သားတို့ ခြံအ၀င်ဝမှာပဲ လမ်းမီးတွေရှိတယ်။ သူတို့မှာ ကောင်ကင်းတစ်
ပြင်လုံး မရေမတွက်နိုင်တဲ့ ကြယ်ကလေးတွေ ရှိတယ်။ ညရောက်ရင် မိသားစု
တွေ ၀ိုင်းဖွဲ့ပြီး ပျော်ပျော်ပါးပါး စကားတွေပြောကြတယ်။ ဒါပေမဲ့ ဒီအိမ်မှာ သား
နဲ့ စကားပြောမဲ့သူ မရှိဘူး။ သားတို့အိမ်ရဲ့ အကျယ်အ၀န်းဟာ ဟိုနံရံအထိပဲ ရှိ
တယ်။ သူတို့မှာ တစ်မျှော်တစ်ခေါ်ကျယ်တဲ့ ခြံဝန်းရှိတယ်။”
သား၏ စကားအဆုံးတွင် သူဌေးကြီးမှာ နုတ်ဆိတ်လျှက် ရှိနေသည်။

အကြင်နာ မေတ္တာတွေရှိမယ်၊ သူငယ်ချင်း ရှိမယ်၊ မိသားစုရှိမယ်။
ကျန်းမာခြင်းရှိမယ်။ ဟာသဥာဏ်ရွှင်မယ်။ ဘာမဆို အကောင်းမြင်
တတ်အောင် ကြိုးစားမယ်ဆိုရင် ဘ၀မှာ သင်ဟာ အချမ်းသာဆုံးပါ။

သူငယ်ချင်းတိုင်း ကို ...လေးစားတန်ဘိုးထားလျှက်...
ရွှေအိမ်စည်
------------

သူငယ်ချင်းအားလုံးကို လေးစားချစ်ခင် တန်ဖိုးထားလျှက်…

နေလင်းအောင်