ပျော်ရွှင်မှုရဲ့ လျှို့ဝှက်ချက်

နေလင်းအောင်

        ဈေးသည်တစ်ဦးဟာ ကမ္ဘာ့လောကမှာရှိတဲ့ ပညာအရှိဆုံးလူဆီကနေ ပျော်ရွှင်မှုရဲ့ လျှို့ဝှက်ချက်ကို ရှာဖွေဖို့ သားဖြစ်သူကို စေလွှတ်လိုက်ပါတယ်။ လူငယ်လေးဟာ ရက်ပေါင်းလေးဆယ် လှည့်ပတ်ရှာဖွေပြီးနောက် တောင်ထိပ်တစ်နေရာရှိ လှပတဲ့ ရဲတိုက်တစ်ခုဆီ ရောက်လာခဲ့ပါတယ်။ အဲဒီမှာ ပညာရှိကြီး နေထိုင်ပါတယ်တဲ့။

        ရဲတိုက်ကြီးရဲ့ ဧည့်ခန်းထဲ သူဝင်လိုက်တော့ သူတော်စင်ပညာရှိကြီးကို တွေ့မြင်ရမဲ့အစား ကျွန်တော်တို့ရဲ့ သူရဲကောင်းလေးဟာ ပြားပန်းခပ်မျှ စည်ကားနေတဲ့ လူတွေကို တွေ့မြင်ရပါတယ်။ ကုန်သည်တွေဟာ ဝင်ထွက်သွားလာနေကြတယ်။ အခမ်းထောင့်တွေမှာ လူတွေ စကားစမြည် ပြောဆိုနေကြတယ်။ သံစုံတီးဝိုင်းလေးတစ်ခုက သာယာတဲ့ ဂီတသံတွေနဲ့ ဖျော်ဖြေနေတယ်။ စားပွဲပေါ်မှာ အဲဒီဒေသရဲ့ အကောင်းဆုံးအစားအစာတွေ ရှိနေတယ်။ ပညာရှိကြီးဟာ လူတိုင်းနဲ့ စကားစမြည်ပြောဆိုနေခဲ့တယ်။ ပညာရှိကြီး သူ့ကိုအာရုံစိုက်မိဖို့၊ လူငယ်လေးဟာ နှစ်နာရီကြာ စောင့်ဆိုင်းခဲ့ရပါတယ်။

        သူဘာကြောင့်ရောက်လာတယ်ဆိုတဲ့ လူငယ်လေးရဲ့ရှင်းပြချက်ကို ပညာရှိကြီးက ဂရုတစိုက် နားထောင်ခဲ့တယ်။ ဒါပေမယ့် ပျော်ရွှင်မှုရဲ့ လျှို့ဝှက်ချက်ကို ရှင်းပြဖို့ သူ့မှာ အချိန်သိပ်မရှိဘူးလို့ ပြောလိုက်ပါတယ်။ နှစ်နာရီအကြာ ရဲတိုက်ထဲ လှည့်ပတ်ကြည့်ရူ့ပြီး ပြန်လာခဲ့ဖို့ လူငယ်လေးကို အကြံပေးလိုက်တယ်။

       “လှည့်ပတ်ကြည့်ရူ့စဉ် တစ်ခုလုပ်ဖို့တော့ ပြောချင်ပါတယ်”လို့ ပညာရှိကြီးက ပြောကြားရင်း လူငယ်လေးကို ဆီနှစ်စက်ထည့်ထားတဲ့ လက်ဖက်ရည်ဇွန်းတစ်ချောင်း ကမ်းပေးလိုက်ပါတယ်။ “လှည့်ပတ်ကြည့်ရူ့နေစဉ် ဆီတစ်စက်မှမကျဘဲ ဒီဇွန်းကို သယ်ဆောင်သွားပါ”

       လူငယ်လေးဟာ ရဲတိုက်ထဲမှာရှိတဲ့ လှေကားထစ်ပေါင်းများစွာကို စတင်ပြီး အတက်အဆင်း ပြုလုပ်ပါတယ်။ သူ့မျက်လုံးတွေကတော့ ဇွန်းကနေ မခွာနိုင်ပါဘူး။ နှစ်နာရီကြာပြီးနောက် ပညာရှိကြီးရှိနေတဲ့ အခန်းထဲ သူပြန်ရောက်လာတယ်။

       ပညာရှိကြီးက သူ့ကိုမေးလိုက်တယ်။ “ကဲ… ထမင်းစားခန်းထဲမှာ  ချိန်ဆွဲထားတဲ့ ပါရှန်းရုပ်ပုံတွေ တွေ့မြင်ခဲ့လား။ ကောင်းမွန်အောင်ဖန်တီးဖို့ ဆယ်နှစ်ကြာခဲ့ရတဲ့ ဥယျာဉ်ကို မြင်ခဲ့လား။ စာကြည့်ခန်းထဲမှာရှိတဲ့ လှပတဲ့ ပုရပိုက်တွေ တွေ့မြင်ခဲ့လား”

       လူငယ်လေးဟာ ရှက်ကိုးရှက်ကန်းဖြစ်ရင်း တစ်ခုမှ မတွေ့မြင်ခဲ့ရကြောင်း ဝန်ခံလိုက်ပါတယ်။ သူ့ကို ပညာရှိကြီး တာဝန်သတ်မှတ်ပေးလိုက်တဲ့ ဆီတွေ ဖိတ်မကျစေဖို့ပဲ သူအာရုံစိုက်ခဲ့မိတယ်။

       “ဒါဆိုရင် ငါ့လောကပတ်ဝန်းကျင်ရဲ့ အံ့ဖွယ်အရာတွေကို ပြန်ပြီးကြည့်လိုက်ပါ။ လူတစ်ယောက်ကို သူ့အိမ်အကြောင်း မသိရဘဲနဲ့တော့ ယုံကြည်စိတ်ချမှာ မဟုတ်ပါဘူးကွာ” လို့ ပညာရှိကြီးက ပြောလိုက်တယ်။

         လူငယ်လေးဟာ စိတ်သက်သာရာရသွားရင်း ဇွန်းကိုပြန်ကိုင်ကာ ရဲတိုက်ကြီးထဲ ပြန်ပြီး လှည့်ပတ်ကြည့်ရူ့ပါတယ်။ ဒီတစ်ကြိမ်မှာတော့ နံရံနဲ့ မျက်နှာကြက်မှာရှိတဲ့ အနုပညာလက်ရာအားလုံးကို လေ့လာကြည့်ရူ့ပါတယ်။ သူဟာ ဥယျာဉ်တွေ၊ ဘေးပတ်လည်မှာရှိတဲ့ တောင်တန်းတွေ၊ လှပတဲ့ပန်းတွေနဲ့ ရွေးချယ်ထားတဲ့ အလှအပအားလုံးကို တွေ့မြင်ခံစားရပါတယ်။ ပညာရှိကြီးဆီ ပြန်ရောက်တဲ့အခါ သူမြင်ခဲ့ရသမျှ အသေးစိတ် ပြန်ပြောပြပါတယ်။

       “ဒါပေမယ့် မင်းကို တာဝန်ပေးလိုက်တဲ့ ဆီစက်တွေရော” လို့ ပညာရှိကြီးက မေးလိုက်တယ်။ လူငယ်လေးဟာ သူကိုင်ထားတဲ့ ဇွန်းကိုကြည့်လိုက်တဲ့အခါ ဆီတွေမရှိတော့ကြောင်း တွေ့မြင်ရပါတယ်။

        “ကောင်းပြီလေ…ငါမင်းကို အကြံတစ်ခုပဲ ပေးနိုင်ပါတယ်။ လောကကြီးရဲ့ အံ့ဖွယ်အရာတွေကိုကြည့်ရူ့ရင်း ဇွန်းထဲမှာရှိတဲ့  ဆီစက်တွေကိုလည်း ဘယ်တော့မှ မမေ့ဖို့ဆိုတာ ပျော်ရွှင်မှုရဲ့ လျှို့ဝှက်ချက်ပါပဲ”လို့ ပညာရှိကြီးက ပြန်ပြောလိုက်ပါတယ်။ 

နေလင်းအောင် ဘာသာပြန်ဆိုသည်။

www.naylinaung1.blogspot.com

The secret of happiness

အမှန်တရားကို ရှာဖွေသူ

 နေလင်းအောင်

          နှစ်ပေါင်းများစွာ ရှာဖွေပြီးနောက် အမှန်တရား ရှာဖွေသူဟာ လှိုင်ဂူတစ်ခုသို့သွားလျှင် ရေတွင်းတစ်တွင်း တွေ့လိမ့်မည်ဖြစ်ကြောင်း ပြောကြားခံရပါတယ်။ “အမှန်တရားဆိုတာ ဘာလဲလို့ ရေတွင်းကို မေးလိုက်ပါ။ ရေတွင်းဟာ အမှန်တရားအကြောင်း မင်းကို ပြန်ပြောပြပါလိမ့်မယ်” လို့ သူ့ကို အကြံပေးတယ်။ ရေတွင်းတွေ့တဲ့အခါ အမှန်တရားရှာဖွေသူဟာ အခြေခံအကျဆုံး မေးခွန်းကိုမေးလိုက်တယ်။ “ရွာလမ်းဆုံသွားပါ။ မင်းရှာနေတာတွေ တွေ့ပါလိမ့်မယ်”လို့ ရေတွင်းထဲကနေ ဖြေသံပေါ်လာခဲ့တယ်။

        မျှော်လင့်ချက်အပြည့်ဖြင့် သူဟာ ရွာလမ်းဆုံကိုပြေးကြည့်တော့ အဲဒီနေရာမှာ စိတ်ဝင်စားစရာမကောင်းတဲ့ ဈေးဆိုင်သုံးဆိုင်ကိုသာ တွေ့ရပါတယ်။  တစ်ဆိုင်က သတ္တုအပိုင်းအစတွေရောင်းတယ်။ အခြားတစ်ဆိုင်က သစ်သားတွေရောင်းတယ်။ တတိယမြောက်ဆိုင်က ဝါယာကြိုးတွေရောင်းတယ်။ အမှန်တရားကိုဟောပြောမယ့် အရာနဲ့ လူပုဂ္ဂိုလ်တစ်ဦးဦး  ရှိပုံမပေါ်ပါဘူး။

         အမှန်တရားကို ရှာဖွေသူဟာ စိတ်ပျက်လက်ပျက်နဲ့ ရေတွင်းဆီပြန်လာကာ ရှင်းပြပေးဖို့ တောင်းဆိုလိုက်ပါတယ်။ ဒါပေမယ့် “နောင်တစ်ချိန်မှာ မင်းနားလည်လာပါလိမ့်မယ်” လို့ ရေတွင်းက ပြန်ပြောလိုက်တယ်။သူဟာထပ်မံစောဒကတက်တဲ့အခါ  ရေတွင်းဆီက ဖြေကြားချက်မရတော့ဘဲ သူအော်သံရဲ့ ပဲ့တင်ထပ်သံကိုသာ ကြားရတော့တယ်။ အဲဒီအချိန်တုန်းက အရူးလုပ်ခံလိုက်ရတယ်ထင်ပြီး  သူဒေါသထွက်ခဲ့သေးတယ်။ ဒါပေမယ့် အမှန်တရားကိုတော့ သူဆက်ပြီး လှည့်ပတ်ရှာဖွေနေခဲ့ပါတယ်။ နှစ်များစွာ ကုန်ဆုံးသွားတဲ့အခါ ရေတွင်းနဲ့ပတ်သက် တွေ့ကြုံခဲ့ရတဲ့ အမှတ်တရတွေ ပျောက်ကွယ်သွားခဲ့တယ်။ တစ်ညမှာတော့ လသာထဲ သူလမ်းလျှောက်နေစဉ် အိန္ဒိယ ကြိုးတပ်တူရိယာတစ်မျိုးရဲ့အသံက သူ့အာရုံကို ဖမ်းစားလိုက်တယ်။ ကျွမ်းကျင်ပိုင်နိုင်စွာ၊ ဖန်တီးမှုအားကောင်းကောင်းနဲ့ ထွက်ပေါ်လာတဲ့ သာယာနာပျော်ဖွယ် ဂီတသံပါ။

         အမှန်တရား ရှာဖွေသူဟာ တီးခတ်သူဆီသွားပြီး အသေအချာ စေ့စေ့စပ်စပ် ကြည့်ရူ့လိုက်ပါတယ်။ ကြိုးတွေပေါ် ထက်အောက်လှုပ်ရှားတီးခတ်နေတဲ့ လက်ချောင်းတွေကို သူကြည့်လိုက်တယ်။ တူရိယာကို သူသတိထားမိလာတယ်။ ရုတ်တရက် သူမှတ်မိရင်း ပျော်ရွှင်စွာနဲ့ ထုတ်ဖော်ပြောလိုက်မိတယ်။ ဒီတူရိယာဟာ တစ်ခါတုန်းက စတိုးဆိုင်သုံးဆိုင်မှာ သူတွေ့မြင်ခဲ့ပြီး ဘာမှ ထူးထူးခြားခြား မရှိဘူးလို့ သူထင်ခဲ့တဲ့ ဝါယာကြိုးတွေ၊ သတ္တုအပိုင်းအစတွေ၊ သစ်သားတွေနဲ့ ပြုလုပ်ထားခဲ့တာပါတဲ့။

        နောက်ဆုံးမှာတော့ ရေတွင်းရဲ့ ပြောကြားချက်ကို သူသိမြင်နားလည်လာခဲ့တယ်။ ကျွန်တော်တို့မှာ လိုအပ်သမျှအရာအားလုံး ပေးကမ်းပြီးသားပါ။ ကျွန်တော်တို့ရဲ့တာဝန်ကတော့ ဒီအရာတွေကို သင့်တော်တဲ့နည်းလမ်းနဲ့ တပ်ဆင်အသုံးပြုလိုက်ဖို့ပါ။ သီးခြားအစိတ်အပိုင်းတွေ လက်ခံရရှိနေသရွေ့ ဘယ်အရာမှ အဓိပ္ပါယ်ရှိမှာ မဟုတ်ပါဘူး။ ဒါပေမယ့် အဲဒီသီးခြားအစိတ်အပိုင်းတွေကို တစ်ပေါင်းတစ်စည်းတည်းဖြစ်အောင် စုစည်းလိုက်မယ်ဆိုရင်တော့ ပစ္စည်းအသစ်တစ်ခု ဖြစ်ပေါ်လာပါတယ်။ သီးခြားအစိတ်အပိုင်းတွေကို ကြည့်ရူ့ခြင်းအားဖြင့် ပစ္စည်းအသစ်ရဲ့ သဘာဝကို ကျွန်တော်တို့ ကြိုတင်နားလည်နိုင်မှာ မဟုတ်ပါဘူး။

နေလင်းအောင် ဘာသာပြန်ဆိုသည်။

www.naylinaung1.blogspot.com 

Ref; The seeker of Truth by Unknown

ချစ်မေတ္တာစာစုများ(၂)

(၆)

 

အချစ်ဆိုတာ ချိုမြတယ်ဆိုရင်

ဘာကြောင့်များ နာကျင်မှုကို ဖြစ်စေရတာလဲ။

အချစ်ဆိုတာ လေးနက်တယ်ဆိုရင်

ဘာကြောင့်များ လောင်ကျွမ်းမှုကို ဖြစ်စေရတာလဲ။

အချစ်ဆိုတာ နွေးထွေးတယ်ဆိုရင်

ဘာကြောင့်များ ခိုက်ခိုက်တုန်ချမ်းအေးမှု ဖြစ်စေရတာလဲ။

အချစ်ဆိုတာ နူးညံသိမ်မွေ့တယ်ဆိုရင်

ဘာကြောင့်များ ဝမ်းနည်းငိုကြွေးမှု ဖြစ်စေရတာလဲ။

အချစ်ဆိုတာ ထာဝရဆိုရင်

ဘာကြောင့်များ သေဆုံးမှု ဖြစ်စေရတာလဲ။

 နေလင်းအောင်

(၇)

ဖယောင်းတိုင်ဆိုတာ

တစ်ချိန်ချိန်မှာတော့ အရည်ပျော်ကျသွားရတယ်။

မီးဆိုတာလည်း

တစ်ချိန်ချိန်တော့ ငြိမ်းသွားရတယ်။

ဒါပေမဲ့

မင်းအပေါ်ထားတဲ့ မေတ္တာတရားကတော့

ကိုယ့်နှလုံးသားထဲ

ထာဝရတည်မြဲနေမှာပါ။

 နေလင်းအောင်

(၈)

ဥယ်ာဥ္ဆိုတာ

ရေလောင်းပေါင်းသင်မှသာ

ပန်းပေါင်းစုံနဲ့

ဖူးပွင့်ဝေဆာပါတယ်။

သံယောဇဉ်ဆိုတာကလည်း

မေတ္တာတရား

ထွေးပွေ့မှု

မျက်ရည်စက်

ချီးကျူးမှုတွေနဲ့

ပြုစုစောင့်ရှောက်မှသာ

လှပဝေဆာပါတယ်။

 နေလင်းအောင်

(၉)

 ကိုယ့်ချစ်သူကို

နားလည်မှုပေးနိုင်တာ

အရည်အချင်းကြောင့်မဟုတ်ဘူး။

မွေးရာပါ ပါရမီကြောင့်လည်းမဟုတ်ဘူး။

ချစ်ခြင်းတစ်ခုတည်းကြောင့်သာ

နားလည်မှုပေးနိုင်ရတာပါ။

 နေလင်းအောင်

(၁၀)

ချစ်သူဆိုတာ

အပျော်ဆုံးဆိုတဲ့

ခံစားချက်ကိုလည်းပေးနိုင်တယ်။

ဝမ်းအနည်းဆုံးဆိုတဲ့

ခံစားချက်ကိုလည်းပေးနိုင်တယ်။
 နေလင်းအောင်