Friday, May 24, 2013

မျက်လုံးတစ်လုံးပဲ ရှိတဲ့မေမေ




ကျွန်တော့်အမေမှာ မျက်လုံးတစ်လုံးပဲ ရှိပါတယ်။ ကျွန်တော် အမေ့ကို မုန်းမိတယ်။ အမေဟာ ကျွန်တော့်အတွက် အရှက်ရစရာ ဖြစ်စေရတယ်လေ။ အမေဟာ မိသားစု စားဝတ်နေရေးအတွက် ကျောင်းသားတွေနဲ့ ဆရာ၊ ဆရာမတွေကို ထမင်းချက်ပေးရပါတယ်။

ကျွန်တော် မူလတန်းကျောင်း တက်နေစဉ် တစ်ရက်မှာ အမေဟာ ကျွန်တော့်ဆီရောက်လာပြီး “ဟယ်လို”လို့ နှုတ်ဆက်လိုက်ပါတယ်။ ကျွန်တော် အရမ်းရှက်သွားခဲ့ရတယ်။

အမေ ဘာကြောင့်များ ကျွန်တော့်အပေါ် ဒီလိုလုပ်ရက်ရတာလဲ။ ကျွန်တော်ကတော့ အမေကို မသိချင်ယောင်ဆောင်ရင်း မုန်းတီးတဲ့အကြည့်ဖြင့် ကြည့်ကာ ထွက်ပြေးခဲ့ပါတယ်။ နောက်တစ်နေ့ ကျောင်းရောက်တဲ့အခါ အတန်းဖော် သူငယ်ချင်းက ပြောလာပါတယ်။ “ဟီး… မင်းအမေမှာ မျက်လုံးတစ်လုံးပဲ ရှိတာနော်”တဲ့။

ကျွန်တော် ကိုယ့်ကိုယ်ကို သတ်သေချင်စိတ် ပေါက်သွားမိပါတယ်။ ကျွန်တော့်အမေကိုလည်း ပျောက်ကွယ်သွားစေချင်ခဲ့တယ်။ အဲဒီနေ့မှာပဲ ကျွန်တော်ဟာ အမေကို ရန်လိုစကားတွေ ပြောဆိုခဲ့ပါတယ်။ “အမေ… ကျွန်တော့်ကို လူလှောင်စရာဖြစ်အောင် လုပ်နေမယ်ဆိုရင် သေလိုက်ပါတော့”

အမေဟာ တစ်ခွန်းတစ်ပါဒမျှ ပြန်လည်တုန့်ပြန် ပြောဆိုခြင်း မပြုခဲ့ပါဘူး။ ကျွန်တော်ဟာ ဒေါသအိုး ပေါက်ကွဲနေတဲ့အတွက်ကြောင့် ပြောဆိုခဲ့မိတာတွေကို တစ်စက္ကန့်လေးတောင်မှ ရပ်တန့်ပြီး စဉ်းစားခဲ့ခြင်း မရှိပါဘူး။ အမေရဲ့ ခံစားချက်တွေကိုလည်း သတိပြုခဲ့မိခြင်း မရှိပါဘူး။ ကျွန်တော်ကတော့ အိမ်ကနေ စွန့်ခွာထွက်ပြေးပြီး အမေနဲ့ နောက်ထပ် ပတ်သက်လိုခြင်း မရှိတော့ပါဘူး။ ဒါကြောင့်ပဲ စာကို ပြင်းပြင်းထန်ထန် ကြိုးစားခဲ့ရာ နိုင်ငံခြားသွားပြီး ပညာသင်ဖို့ အခွင့်အရေး ရရှိခဲ့ပါတယ်။

ဘွဲ့ရပြီးနောက် ကျွန်တော် အိမ်ထောင်ကျခဲ့တယ်။ ကိုယ်ပိုင်အိမ်တစ်လုံးကိုလည်း ဝယ်ယူနိုင်ခဲ့တယ်။ သားသမီးတွေ ထွန်းကားလာခဲ့တယ်။ ကျွန်တော်ဟာ သားသမီးတွေ၊ ပိုင်ဆိုင်မှု ဥစ္စာဓနတွေနဲ့အတူ မိမိဘဝကို ကျေနပ် ပျော်ရွှင်နေခဲ့တယ်။

တစ်နေ့မှာတော့ အမေ ကျွန်တော့်ဆီ အလည်ရောက်လာခဲ့တယ်။ အမေဟာ ကျွန်တော့်ကို မတွေ့ရတာ နှစ်ပေါင်းအတော်ကြာခဲ့သလို မြေးတွေနဲ့လည်း တွေ့ဆုံဖူးခြင်း မရှိခဲ့ပါဘူး။

အိမ်တံခါးဝမှာ အမေရပ်နေတဲ့အခါ ကျွန်တော့် သားသမီးတွေက အမေ့ကိုကြည့်ရင်း လှောင်ရယ်နေကြပါတယ်။ မဖိတ်ခေါ်ဘဲ ရောက်လာတဲ့အတွက် အမေ့ကို ကျွန်တော် အော်ငေါက်လိုက်ပါတယ်။ “ကျွန်တော့်အိမ်လာပြီး ဘာဖြစ်လို့ ကလေးတွေကို ခြောက်လှန့်ရတာလဲ။ ဒီအိမ်ရှေ့ကနေ ခုပဲ ထွက်သွားပါ”လို့ ကျွန်တော် အမေ့ကို အော်ဟစ်ပြောဆိုလိုက်ပါတယ်။

ကျွန်တော့်စကားကို အမေက ဗွေမယူဘဲ အေးအေးဆေးဆေး တုန့်ပြန်ပြောဆိုပါတယ်။ “စိတ်မကောင်းပါဘူးကွယ်။ အဒေါ် လိပ်စာမှားပြီး ရောက်လာတာပါ” အဲဒီနောက် အမေဟာ ကျွန်တော်တို့ မြင်ကွင်းကနေ ပျောက်ကွယ်သွားပါတယ်။

တစ်နေ့တွင် ကျောင်းသားဟောင်းအဖွဲ့ဆီမှ စာတစ်စောင် အိမ်ရောက်လာခဲ့ပါတယ်။ ကျွန်တော်ဟာ ဇနီးဖြစ်သူကို စီးပွားရေးကိစ္စဖြင့် ခရီးထွက်ရလိမ့်မည်ဖြစ်ကြောင်း ညာပြောခဲ့တယ်။ ကျောင်းဟားဟောင်းများ တွေ့ဆုံပွဲပြီးနောက် ကျွန်တော်ဟာ အမေ ဘယ်လိုနေထိုင်ရတာကို သိလိုစိတ် ပြင်းပြလာတဲ့အတွက်ကြောင့် အမေရဲ့ တဲအိမ်အိုလေးဆီ ရောက်လာခဲ့ပါတယ်။

အမေ သေဆုံးသွားပြီဖြစ်ကြောင်း အိမ်နီးနားချင်းတွေက ပြောဆိုကြပါတယ်။ ကျွန်တော်ဟာ မျက်ရည်တစ်စက်ပင် မကျခဲ့ပါဘူး။ အိမ်နီးနားချင်းတွေက ကျွန်တော့်အတွက် အမေပေးခဲ့တဲ့ စာလေးတစ်စောင်ကို ပေးအပ်ကြပါတယ်။

“အချစ်ရဆုံး သားလေး…

အမေ သားကို အမြဲလွမ်းဆွတ် သတိရနေပါတယ်။ သားရဲ့အိမ်လာပြီး သားကလေးတွေကို ခြောက်လှန့်သလို ဖြစ်သွားခဲ့ရတဲ့အတွက် အမေ စိတ်မကောင်းခြင်းကြီးစွာ ဖြစ်ရပါတယ်။

ကျောင်းသားဟောင်း တွေ့ဆုံပွဲကို သားလာမယ်ကြားရတော့ အမေ အရမ်းပျော်ရွှင်မိပါတယ်။ ဒါပေမယ့် သားကိုလာတွေ့ဖို့ အမေ အိပ်ရာက မထနိုင်တော့ပါဘူး။ သား ကြီးပြင်းလာခဲ့တဲ့ ကာလတစ်လျှောက်လုံး အမေ့ကြောင့် အရှက်ရစရာ ဖြစ်နေခဲ့တဲ့အတွက် စိတ်မကောင်းမိပါဘူးကွယ်။

သား သိတဲ့အတိုင်းပဲလေ။ သားငယ်ငယ်တုန်းက မတော်တဆ ဖြစ်ရပ်တစ်ခုကြောင့် သားရဲ့မျက်လုံးတစ်ဖက် ဆုံးရှုံးခဲ့ရတယ်လေ။ မိခင်တစ်ဦးအနေနဲ့ အမေဟာ မျက်လုံးတစ်ဖက်တည်းနဲ့ ကြီးပြင်းလာမယ့် သားကို မကြည့်ရက်ခဲ့ပါဘူး။ အဲဒါကြောင့်ပဲ သားအတွက် အမေရဲ့ မျက်လုံးတစ်ဖက်ကို ပေးခဲ့တာပါ။

အမေ့ကိုယ်စား အမေ့မျက်လုံးတစ်ဖက်နဲ့ လောကကြီးကို ကြည့်ပေးနေတဲ့အတွက် သားအတွက် အမြဲတမ်း ဂုဏ်ယူနေမိပါတယ်။”

သားအပေါ် ချစ်မေတ္တာများစွာဖြင့်…

အမေ

နေလင်းအောင်

Ref; My Mom has only one eye by Unknown Author

2 comments:

Thwin said...

အမေ တွေ ရဲ့ပေးဆပ်မှုက အနှိုင်းမဲ့ ပဲနော်..။

Ran lern Kyaw said...

very good story

ပြောချင်ရာများ ပြောခဲ့ဖို့...

မေးလ်ထဲမှဖတ်ရူ့လိုပါက အီးမေးလ်လိပ်စာ ထားသွားပါ